აქცია რუსთავის „აზოტის" ქარხანასთან კვლავ გრძელდება. უმუშევრად დარჩენილები სამსახურს ითხოვენ. აქციის მონაწილეებს სოლიდარობა სტუდენტებმა და არასამთავრობო ორგანიზაციის წარმომადგენლებმა გამოუცხადეს. აზოტის ქარხანასთან ვითარება რამდენჯერმე დაიძაბა, აქციის მონაწილეთა ნაწილი ადმინისტრაციულ შენობაშიც შეიჭრა. შეჭრის დროს აქციის მონაწილეებსა და პოლიციის თანამშრომლებს შორის სიტყვიერი და ფიზიკური დაპირისპირება მოხდა. თუმცა, სამართალდამცავებს არავინ დაუკავებიათ.

საპასუხოდ, ადმინისტრაცია განმარტავს, რომ მათ არავინ გაუთავისუფლებიათ, რეორგანიზაციის შედეგად ხელახლა აიყვანეს კადრები. დარჩენილი 340 თანამშრომლის საჭიროება კი აღარ იყო.