ბოლო ორი დღის მონაცემებით, ავღანეთში დიდთოვლობის გამო 100-ზე მეტი ადამიანი დაიღუპა. უცხოური მედიის ინფორმაციით, გზები ჩაკეტილია მთელი ქვეყნის მაშტაბით. ფრენები გაუქმდა ქაბულის საერთაშორისო აეროპორტიდანაც.

უამინდობის გამო ქვეყნის ჩრდილოეთ რეგიონში, პაკისტანის საზღვართან ზვავი ჩამოწვა, რის შედეგადაც თოვლის საფარის ქვეშ რამდენიმე სოფელი აღმოჩნდა. სტიქიის ზონაში სამაშველო სამუშაოები მიმდინარეობს, რომელშიც სამხედროებიც არიან ჩართული, თუმცა ოპერაციას ცუდი ამინდი აფერხებს.

„ჩვენ უნდა შევძლოთ და შევამსუბუქოთ სიტუაცია და გავგზავნოთ გადაუდებელი დახმარების სამსახურის წარმომადგენლები, სადაც კი მოვახერხებთ"-განაცხადა ეროვნული კატასტროფების მართვის მინისტრმა აჰმად ბარმარკმა.