ტრანსგენდერ ქალებზე მორიგი თავდასხმა, ელბაქიძის აღმართზე მოხდა. ინფორმაციას არასამთავრობო ორგანიზაცია "ტრანსგენდერ ქალთა ცენტრი" ავრცელებს.

ორგანიზაციის წარმომადგენლების თქმით, თავდასხმაში რამდენიმე მოქალაქე მონაწილეობდა.ისინი ხელკეტებით იყვნენ შეიარაღებულები. ცენტრის ინფორმაციით, თავდასხმის შედეგად, ტრანსგენდერი ქალები მძიმედ დაშავდნენ. მათ მრავლობითი დაზიანებები და მოტეხილობები აქვთ. დაზარალებულები საავადმყოფოებში მკურნალობენ.

"ტრანსგენდერ ქალთა ცენტრის" ინფორმაციით, ჯერ დაკავებული არავინაა. შინაგან საქმეთა სამინისტროში აცხადებენ,რომ გამოძიება დაწყებულია.