საფრანგეთის ექს-პრეზიდენტი, ნიკოლა სარკოზი, 2012 წლის წინასაარჩევნო კამპანიისას, ხარჯებში აღმოჩენილი დარღვევების გამო, სასამართლოს წინაშე წარდგება. ამის შესახებ ინფორმაციას, სააგენტო „REUTERS"-ი, სასამართლო წყაროზე დაყრდნობით ავრცელებს.

ოფიციალური ინფორმაციით, სასამართლოს წინაშე ასევე 13 პირი წარდგება, რომელთაც ბრალი ხარჯების გაზრდასა და დაფინანსებაში გამოვლენილი დარღვევების გამო ედებათ.

„REUTERS"-ის ინფორმაციით, წლევანდელი საპრეზიდენტო კამპანიის ფინანსური მხარე პოლიტიკოსების განსაკუთრებული ყურადღების საგანი გახდა, ამიტომ სასამართლომ ექს-პრეზიდენტის საქმიანობაც ეჭვქვეშ დააყენა და ფინანსური დოკუმენტების გადამოწმება გადაწყვიტა.