რუსთავის გზატკეცილზე ხანძარს 75 წლამდე მამაკაცის სიცოცხლე ემსხვერპლა. ცეცხლი საცხოვრებელ სახლში გვიან ღამით გაჩნდა. დამწვარია 130-მდე კვადრატული მეტრის ფართი.

ხანძრის შედეგად დაზარალებულია სამი ოჯახი, რომლებმაც ღამე სასტუმროში გაათენეს.ადგილზე მობილიზებული იყო სახანძრო-სამაშველო ბრიგადის ექვსი ეკიპაჟი და სამედიცინო დახმარების ბრიგადები.

შინაგან საქმეთა სამინისტრომ მომხდარზე გამოძიება სისხლის სამართლის კოდექსის 188-ე მუხლით დაიწყო, რაც გულისხმობს სხვისი ნივთის დაზიანებას ან განადგურებას გაუფრთხილებლობით, ასევე სიცოცხლის მოსპობას.