ფრაქცია „ნაციონალური მოძრაობის" წევრის ნიკა მელიას თქმით, ბიძინა ივანიშვილს სურს, საქართველოს ერთადერთი მსხვილი ობიექტური ტელევიზია დაანგრიოს და „სახლში წაიღოს". მან აღნიშნა, რომ ბოლო პერიოდში განსაკუთრებით, „რუსთავი 2-ის" გარეშე საზოგადოება ძალიან ბევრი მნიშვნელოვანი თემის შესახებ ვერ შეიტყობდა.

მელიას განცხადებით, დღეს „ქართული ოცნება" მოსამართლეებზე ზეწოლის საქმეშია ჩართული, რათა რუსთავი 2-ის წინააღმდეგ გამამტყუნებელი განაჩენი მიიღოს უზენაესმა სასამართლომ.

„ლოგიკურადაც იკითხება, რომ რამდენიმე დღეში იქნება გადაწყვეტილება რუსთავი 2-ის, უბრალოდ ეს პარანოიდალური ქმედებები ივანიშვილის მხრიდან, რომელიც განსაკუთრებით აზვირთდა ბოლო დღეებში, ცხადყოფს, რომ ის შიშობს, ისეთი გადაწყვეტილება არ გამოვიდეს, რომელიც არ არის მის ინტერესებთან შესაბამისობაში," - განაცხადა ნიკა მელიამ.