ვერ შევეგუებით, რომ მივიღოთ პროდუქტი, რომელიც არ იქნება თანამედროვე და საინტერესო" - საზოგადოებრივ მაუწყებელთან დაკავშირებით გაკეთებული ამ განცხადებით დაიწყო პრემიერ-მინისტრმა მთავრობის დღევანდელი სხდომა.
გიორგი კვირიკაშვილი აცხადებს, რომ საქართველოს მთავრობა და ხელისუფლება დაინტერესებულია იმ პროცესებით, რომელიც მიმდინარეობს საზოგადოებრივ მაუწყებელზე.
„დღეს ჩვენ ათეულობით მილიონ ლარს ვიხდით ამ პროდუქტში და ვერ შევეგუებით, რომ ამ თანხის შედეგად მივიღოთ პროდუქტი, რომელიც არ იქნება თანამედროვე, საინტერესო. ასევე ჩვენ გვინდა, რომ ეს იყოს მართლაც ჭეშმარიტად საზოგადოების ინტერესების გამომხატველი ტელევიზია. ჩვენ მივესალმებით საზოგადოებრივ მაუწყებელში დაწყებულ პროცესს, მივესალმებით პოლემიკას, მაქსიმალურ ჩართულობას იმისთვის, რომ იყოს სხდადასხვა მიდგომების ჭიდილი."