სახალხო დამცველმა უჩა ნანუაშვილმა საზოგადოებრივ მაუწყებელში განვითარებული მოვლენების შეფასებისას განაცხადა, რომ ცვლილებების პროცესში მაქსიმალურად უნდა იყოს თანამშრომლების უფლებები დაცული.

ნანუაშვილისთვის გაუგებარია, თუ რატომ არის საჭირო 11 თვით რადიო თუ ტელეგადაცემების გაჩერება, მით უმეტეს იმ ფონზე, რომ ქვეყანაში მნიშვნელოვანი პოლიტიკური პროცესებია და ადგილობრივი თვითმმართველობისთვის მზადება მიმდინარეობს.

„ყველა ვთანხმდებით იმაზე, რომ რეფორმა აუცილებელია, თუმცა ეს რეფორმა არ უნდა შეეხოს ჟურნალისტებს" - განაცხადა სახალხო დამცველმა.

მისი თქმით, სახალხო დამცველის აპარატი აკვირდება ტელევიზიაში განვითარებულ მოვლენებს და დამატებითი ინფორმაციის მიღებას ელოდება.