თბილისის საკრებულოს 15 დეპუტატი „რუსთავი 2-ის" საქმის განმხილველი მოსამართლე ნატა ნაზღაიძის ოჯახისთვის გადაცემული 1 მილიონი ლარის დადგენილების გაბათილებას ითხოვს. ამ მოთხოვნის დაკმაყოფილების შემთხვევაში, ნაზღაიძის ოჯახს თანხის უკან დაბრუნება მოუწევს. ოპოზიცია აცხადებს, რომ სახეზეა მაშტაბური მაქინაცია და ქრთამის გაცემა ერთადერთი მიზნით, რომ ზეწოლა მოხდეს „რუსთავი 2-ზე"

ეს მოხდა, რა თქმა უნდა, შეგნებულად და მოხდა იმისთვის, რომ ამ ადამიანის ოჯახის წევრმა მიიღო სინდისის, სამართლიანობის და პროფესიონალიზმის საწინააღმდეგო გადაწყვეტილება. „რუსთავი 2-თან" დაკავშირებით," - განაცხადა საკრებულოს დამოუკიდებელმა დეპუტატმა, ალეკო ელისაშვილმა.

ელისაშვილის თქმით, 1 მილიონი ლარის ქონება გადაეცა ადამიანს, რომელსაც 1 ლარიც კი არ ეკუთვნოდა. მისი აზრით, მოსამართლის ოჯახს "ძალიან ბინძური საჩუქარი" გაუკეთეს.