საავტომობილო გზების დეპარტამენტის ინფორმაციით, თოვლისა და ლიპყინულის გამო, რამდენიმე საუღელტეხილო მონაკვეთზე, მისაბმელიანი და ნახევრადმისაბმელიანი ავტოტრანსპორტის გადაადგილება აკრძალულია.

ინტენსიური თოვისა და ლიპყინულის გამო, ნაქერალას უღელტეხილზე, ალპანა-ცაგერის გზის მონაკვეთზე, მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა აკრძალულია. იმავე შეზღუდვები მოქმედებს ხაიში-უშგულის გზის მონაკვეთზეც.

რთული მეტეოროლოგიური პირობების გამო, ფარავანი-ნინოწმინდის მონაკვეთზე და სომხეთის საზღვართან, ახალციხე-ნინოწმინდის გზის მონაკვეთზე, ყველა სახის ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით.