კულტურისა და ძეგლთა დაცვის მინისტრმა, იტალიის რესპუბლიკის ელჩს, ანტონიო ენრიკო ბარტოლის უმასპინძლა.

იტალიის ელჩმა მინისტრს, კულტურის სფეროს სხვადასხვა მიმართულებით, რამდენიმე საინტერესო პროექტი შესთავაზა. მათ შორის, ქართველი რესტავრატორებისთვის სპეციალური პროგრამა, რომელიც იტალიაში რამდენიმეკვირიან გადასამზადებელ სალექციო კურსს გულისხმობს.

საუბარი ასევე შეეხო ფერწერისა და თანამედროვე ხელოვნების მიმართულებით განსახორციელებელ ერთობლივ პროექტებს.

შეხვედრას კულტურული მემკვიდრეობის დაცვის ეროვნული სააგენტოს დირექტორი, ნიკოლოზ ანთიძეც ესწრებოდა.