კიევის პოლიციამ, საქართველოს მოქალაქე, ე.წ კანონიერი ქურდი, 42 წლის გელა ქარდავა დააკავა. ინფორმაციას უკრაინის შინაგან საქმეთა მინისტრი, არსენ ავაკოვი „facebook"-ის პირად გვერდზე ავრცელებს.
ბრალდებული კიევის ერთ-ერთ რესტორანში დააკავეს. სპეცოპერაცია კიევის პოლიციამ და სპეცდანიშნულების რაზმმა ჩაატარა.
ქარდავა მძიმე დანაშაულების მუხლით, ძარცვისა და ყაჩაღობისთვის რამდენიმეჯერ არის ნასამართლევი. უკრაინის შინაგან საქმეთა მინისტრი ვარაუდობს, რომ ქარდავა რუსეთის შსს-ს შტატიანი აგენტია. ავაკოვის ცნობით, პოლიცია ამოწმებს ოპერატიულ ინფორმაციას მისი რუსეთის სპეცასამსახურებთან თანამშრომლობის შესახებ.
დაკავებისას ამოღებულია უკრაინის მოქალაქის, სავარაუდოდ, ყალბი მოწმობა, ოლეგ რომანოვიჩის სახელზე, რომელიც სიმფეროპოლში ცხოვრობს.