საქართველოს მორაგბეთა ეროვნული ნაკრები დღეს 2017 წლის რაგბის ევროპის ჩემპიონატზე, პირველ მატჩს გამართავს. „ბორჯღალოსნები" ბელგიის რაგბის ნაკრებს, ბრიუსელში დაუპირისპირდებიან.

ქართველი მორაგბეები ამ მატჩისთვის საფრანგეთში, ტულუზთან ახლოს ემზადებოდნენ, ბელგიაში კი 9 თებერვალს ჩავიდნენ.

საქართველოს ნაკრებმა, ბელგიის ეროვნულ გუნდთან,აქამდე ორჯერ ითამაშა და ორივეჯერ გაიმარჯვა.

რაგბის ევროპის ჩემპიონატი, 2019 წლის მსოფლიოს თასის გათამაშების შესარჩევი ტურნირიცაა, რომელშიც საქართველოს ნაკრები არ მონაწილეობს. იაპონიის მსოფლიო ტურნირის საგზური ქართველმა მორაგბეებმა, 2015 წლის მსოფლიო თასის გათამაშებაში მოიპოვეს.