დრანდის ციხეში დაპატიმრებული გიორგი ლუკავას მეუღლეს, შერიგების და სამოქალაქო თანასწორობის საკითხებში საქართველოს სახელმწიფო მინისტრი ქეთევან ციხელაშვილი შეხვდა.

მინისტრმა ლალი ბასარიას მისი მეუღლის მდგომარეობის შესახებ ინფორმაცია მიაწოდა, რომელიც მინისტრის აპარატმა ე.წ. ცხელი ხაზის საშუალებით მოიძია. ციხელაშვილის თქმით სახელმწიფო მაქსიმალურ ძალისხმევას ახორციელებს გიორგი ლუკავას გასათავისუფლებლად.

მინისტრის ცნობით, ლუკავას სიცოცხლეს საფრთხე არ ემუქრება.

ლალი ბასარია მეუღლის, აფხაზეთში, დრანდის ციხეში მყოფი გიორგი ლუკავას გათავისუფლების მოთხოვნით მეოთხე დღეა, შიმშილობს.