„დღეს დილიდან, თბილისის მერიის სახელით, სოციალურ ქსელ „ფეისბუქი"-ს საშუალებით ვრცელდება გარკვეული შინაარსის დაუზუსტებელი ინფორმაცია, რომელიც თბილისის მერიას არ ეკუთვნის", - ნათქვამია მერიის მიერ გავრცელებულ განცხადებაში.

მათივე განმარტებით, „ფეისბუქ" გვერდი, რომელიც ერთ-ერთი სავაჭრო ობიექტის ანტირეკლამას ეწევა, არ წარმოადგენს თბილისის მერიის ოფიციალურ გვერდს.

თბილისის მერია მოქალაქეებს მოუწოდებს, მეტი ყურადღება გამოიჩინონ ინფორმაციის წაკითხვისას და არ დაეყრდნონ ფეისბუქის ყალბი გვერდების მიერ გავრცელებულ ფაქტებს.