ადმინისტრაციულ სამართალდარღვევათა კოდექსს შესაძლოა ახალი მუხლი დაემატოს, რომლის მიხედვითაც ქუჩებსა თუ საზოგადოებრივ თავშეყრის ადგილებში ხმაური დასჯადი ქმედება გახდება.

კანონპროექტი ხმაურის ზედა ზღვრად კაფეებსა თუ რესტორნებს დღის განმავლობაში 40, ხოლო ღამით 30 დეციბელს უდგენს. ურჩ მელომანებს 150-დან 1000 ლარამდე ჯარიმის გადახმა მოუწევთ. ხმაურზე რეაგირება პატრულს დაევალება, რომელსაც შესაბამისი აღჭურვილობა ექნება და ხმაურის დეციბელის გაზომვას შეძლებს.

უცნობია, როდის და რა სახის კანონპროექტს წარუდგენს სამუშაო ჯგუფი პარლამენტს.

კაფე-ბარებისა და რესტორნების მფლობელები მიიჩნევენ, რომ საკანონმდებლო ცვლილება მათ ბიზნესსაქმიანობას ხელს შეუშლის