"საკუთარი საქმის კარგად მცოდნე", - ასე ახასიათებენ მაღალი იერარქიის პირის მოწამვლის მცდელობაში ბრალდებულ დეკანოზ, გიორგი მამალაძეს "რეზონანსთან" საუბრისას თავისი მეზობლები. მას საპატრიარქოს ქონების მართვის სამსახურის ხელმძღვანელის მოადგილის თანამდებობა ეკავა, ასევე პარალელურად წმინდა იოაკიმესა და ანას სახელობის სამედიცინო ცენტრის გენერალური დირექტორი იყო.