ოპოზიციაში მიაჩნიათ, რომ გვარამია-ახვლედიანის საუბრის ჩანაწერი ხელისუფლების მხრიდან „რუსთავი2"-ის და ნიკა გვარამიას წინააღმდეგ დაწყებული კამპანიის ნაწილია.
„მათი მთავარი მიზანია საკუთარი ინტერესების დაცვა, მათ შორის საქართველოს მოქალაქეების და სახელმწიფოს ინტერესების ხარჯზე," - განაცხადა „ნაციონალური მოძრაობის" წევრმა, აკაკი მინაშვილმა.
ოპოზიციაში მიაჩნიათ, რომ, თუ ნიკა გვარამიას ბრალს წაუყენებენ, ეს საკმაოდ ძვირი პოლიტიკური ფასის მატარებელი იქნება უმრავლესობისთვის.
„დღეს ხელისუფლების ინტერესშია, მაქსიმალურად მიიტანოს შეტევა რუსთავი2-ზე, მის ხელმძღვანელზე, ჟურნალისტებზე იმისთვის, რომ გეგმა, რომ ხელში ჩაიგდონ რუსთავი2, ბოლომდე მიიყვანონ," - განაცხადა ევროპული საქართველოს წევრმა, სერგი კაპანაძემ.