საფრანგეთში საპროტესტო აქციებზე, ბოლო ორი კვირის განმავლობაში 245 ადამიანი დააკავეს. გუშინ ღამით 25 პირი აიყვანეს. პარიზში მასობრივი საპროტესტო აქციები, სამართალდამცველთა მიერ ძალის გადამეტების წინააღმდეგ დაიწყო.

არეულობა პარიზის გარეუბანში, პოლიციელების მიერ 22 წლის აფროამერიკელის დაკავებას და მის წამებას მოჰყვა. დაკავებული ნარკოტიკების გასაღებაშია ეჭვმიტანილი. დემონსტრაციის მონაწილეები პასუხისმგებელი პირების დასჯას მოითხოვენ.დაზარალებული ამ დროისთვის საავადმყოფოში მკურნალობს.

მხარდამჭერ აქციაში 2 ათასზე მეტი მოქალაქე მონაწილეობდა. პოლიციამ აქციის მონაწილეები ცრემლსადენი გაზის საშუალებით დაარბია. შემდეგ მოქალაქეებმა პოლიციის ოფისები დააზიანეს და რამდენიმე მანქანას ცეცხლი წაუკიდეს.