ბორდმა საზოგადოებრივი მაუწყებლის გენერალურ დირექტორს გეგმა წარუდგინა, რომლის მიხედვითაც საზოგადოებრივი მაუწყებლის საქმიანობა ოთხი კრიტერიუმით უნდა შეფასდეს: ხარისხი, წვდომა, ფასეულობა დანახარჯებთან მიმართებით და ზეგავლენა. ოთხპუნქტიანი გეგმა, დღეს, სამუშაო შეხვედრაზე განიხილეს.

„სამეურვეო საბჭოს მიერ წარმოდგენილი კრიტერიუმები არ არის დასრულებული ფორმით, ამაზე ჯერ კიდევ სამუშაო იქნება. ჩვენ გვაქვს ჩვენი ფორმა, თუმცა რაღაც საკითხებს გავიზიარებთ," - განაცხადა „ახალი და მიმდინარე ამბების" ბლოკის ხელმძღვანელმა გიორგი გვიმრაძემ.