ბრიუსელში ნატო-საქართველოს კომისიის სხდომაზე ალიანსის გენერალურმა მდივანმა იენს სტოლტენბერგმა განაცხადა, რომ ნატო შეშფოთებას გამოხატავს რუსეთის მხრიდან აფხაზეთთან და ე.წ. სამხრეთ ოსეთთან ურთიერთობების განმტკიცებით.

„ჩვენ შეშფოთებულები ვართ, რომ რუსეთი ურთიერთობებს აღრმავებს საქართველოს რეგიონებთან - აფხაზეთთან და ე.წ. სამხრეთ ოსეთთან. ჩვენ რუსეთს მოვუწოდებთ, უარი თქვას ამ რეგიონების აღიარებაზე", - განაცხადა სტოლტენბერგმა.

ამ შეხვედრით დასრულდა ბრიუსელში ჩრდილოატლანტიკური ალიანსის თავდაცვის მინისტერიალი. შეხვედრაზე შავი ზღვის რეგიონში ალიანსის სამხედრო-საზღვაო ძალების ყოფნის გაძლიერებაზეც შეთანხმდნენ.