"რუსთავი 2"-ის საპროტესტო აქცია რუსთაველის გამზირზე, დაახლოებით 2 საათს გაგრძელდა. ტელეკომპანიის მხარდამჭერები  უკვე დაიშალნენ. "რუსთავი 2"-ის წარმომადგენლებს იმედი აქვთ, რომ სასამართლო სწორ გადაწყვეტილებას მიიღებს და საპროტესტო აქციის გამართვა აღარ მოუწევთ.

აქციაზე გამომსვლელებმა ხელისუფლებას მოუწოდეს, შეწყვიტონ „რუსთავი 2"-ის, სიტყვის თავისუფლების და დემოკრატიის წინააღმდეგ ბრძოლა.

აქციაზე საპარლამენტო და არასაპარლამენტო ოპოზიციური პარტიების წევრები, სხვადასხვა ტელეკომპანიის ჟურნალისტები და არასამთავრობო ორგანიზაციების წარმომადგენლებიც იმყოფებოდნენ.მათი განცხადებით რომელთა განცხადებითაც, „რუსთავი 2"-ის მხარდაჭერით, სიტყვის თავისუფლებას იცავენ.

ტელეკომპანიამ 18 თებერვალს, პროტესტის ნიშნად, მაუწყებლობა შეწყვიტა და სატელევიზიო ეთერი დღეს, აქციის დაწყებისას განაახლა.

 „რუსთავი 2"-ის წილებზე სამართლებრივი დავა მეორე წელია მიმდინარეობს. საქმეზე საბოლოო გადაწყვეტილება უზენაესი სასამართლოს დიდმა პალატამ უნდა მიიღოს.