პარტია „თავისუფალი დემოკრატების" მე-5 რიგგარეშე ყრილობაზე, პარტის თავმჯდომარედ შალვა შავგულიძე ერთხმად აირჩიეს.
გენერალური მდივნის პოსტი თამარ კეკენაძემ ჩაიბარა, პოლიტიკური მდივნის - ნინო გოგუაძემ, პარტიის აღმასრულებელი მდივანი კი ლევან სამუშია იქნება.
შავგულიძის კანდიდატურა დელეგატებს, პარტიის ყოფილმა თავმჯდომარემ, ირაკლი ალასანიამ წარუდგინა, რომელიც დღევანდელ ყრილობას სტუმრის სტატუსით ესწრებოდა.
შალვა შავგულიძემ სიტყვით გამოსვლისას „თავისუფალი დემოკრატების" 8-წლიან ისტორიაზე ისაუბრა და დეტალურად განმარტა მიზეზები, თუ რატომ არის პარტია ხელისუფლების ოპოზიციაში.
„ჩვენთვის არასდროს ყოფილა წამყვანი თანამდებობები და რეგალიები. ჩვენთვის მთავარია ქვეყნის დემოკრატიული, სამართლიანი განვითარება და ამ მიზნისთვის ბრძოლა", - მიმართა შავგულიძემ პარტიის წევრებს.