რუსთავის სარაგბო სტადიონზე, „ბორჯღალოსნებმა" „რაგბი ევროპის ჩემპიონატის" ფარგლებში, გერმანიის ნაკრები ანგარიშით, 50:6 დაამარცხეს.

ქართველმა მორაგბეებმა დაწინაურება თამაშის მე-3 წუთზე, გიორგი კოშაძის ლელოთი შეძლეს. მოგვიანებით მორაგბეთა ეროვნულ ნაკრებს დამატებითი ქულა ფრუიძის, კვირიკაშვილის,თხილაიშვილის და ბოლო წუთზე ნაკრების კაპიტნის, მერაბ შარიქაძის ლელომ მოუტანა.

ამ გამარჯვებით საქართველოს მორაგბეთა ნაკრებმა ბონუს ქულა აიღო და სატურნირო ცხრილში 10 ქულით, პირველ ადგილზეა.

„რაგბი ევროპის ჩემპიონატის" შემდეგ მატჩს საქართველოს მორაგბეთა ნაკრები სტუმრად ესპანეთთან, 4 მარტს ჩაატარებს.