შსს-ს მომსახურების სააგენტოს, მძღოლთა ტესტირების საერთაშორისო კომისიის ექსპერტები ესტუმრნენ. „Cieca"-ს დელეგაციის წევრები შინაგან საქმეთა მინისტრის მოადგილეებს შეხვდნენ.

მხარეებმა პრაქტიკული გამოცდის ქუჩაში გატანის საკითხი განიხილეს. საერთაშორისო კომისიის ექსპერტებმა, საგზაო მოძრაობის უსაფრთხოებისა და მართვის მოწმობის გაცემის საკითხებზეც იმსჯელეს.

დელეგაციის წევრებმა ქართულ მხარეს მართვის მოწმობის გაცემის პროცედურების შესახებ, საერთაშორისო და ევროპული გამოცდილება გაუზიარეს.

მძღოლთა ტესტირების საერთაშორისო ორგანიზაცია, 1956 წლიდან არსებობს და ევროკავშირის ქვეყნებში საგზაო მოძრაობის სტანდარტების მონიტორინგზე მუშაობს. საქართველოს შსს-ს მომსახურების სააგენტო „Cieca"-ში 2014 წელს გაწევრიანდა.