საზოგადოებრივი მაუწყებლის გენერალური დირექტორის მიერ წარმოდგენილი ახალი გეგმა, შესაძლოა, წინა გეგმის მსგავსად ჩავარდეს. ამასთან დაკავშირებით სამეურვეო საბჭო დღეს სამუშაო შეხვედრას გამართავს, ხვალ კი კენჭს ოფიციალურად უყრის. თუმცა, როგორც "მთელი კვირისთვის" გახდა ცნობილი, ბორდის წევრები უკმაყოფილონი არიან, რომ არხის განვითარების კონცეფციაში არ მოხდა იმ ინდიკატორების სრულად ასახვა, რითაც, მათი აზრით, საზოგადოებრივი მაუწყებელი უნდა შეფასდეს.