უამინდობის გამო, გზის რამდენიმე საუღელტეხილო მონაკვეთზე მოძრაობის სპეციალური რეჟიმებია დაწესებული. ცენტრალურ მაგისტრალებზე გადაადგილება კი თავისუფალია. ამის შესახებ ინფორმაციას, საავტომობილო გზების დეპარტამენტი ავრცელებს.

ლიპყინულის გამო, ნაქერალას უღელტეხილზე და ქუთაისი-ალპანა-მამისონის უღელტეხილის მონაკვეთზე, მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა აკრძალულია .

იგივე შეზღუდვები მოქმედებს ჯვარი-უშგულის და თეკალი-ბენიერის საავტომობილო გზის მონაკვეთებზე.

რთული მეტეოროლოგიური პირობების გამო, ფარავანი-ნინოწმინდის და სომხეთის საზღვართან, ახალციხე-ნინოწმინდის გზის მონაკვეთზე ყველა სახის ავტოტრანსპორტის მოძრაობა, მხოლოდ მოცურების საწინააღმდეგო ჯაჭვების გამოყენებით არის დასაშვები.