ფინანსთა მინისტრი დიმიტრი ქუმსიშვილი საერთაშორისო სავალუტო ფონდის ალტერნატიულ აღმასრულებელ დირექტორს, რიჩარდ დორნბოშს შეხვდა, რომელიც საქართველოს აღნიშნულ რანგში პირველად ეწვია.

მხარეებმა შეხვედრაზე საქართველოს ეკონომიკურ მაჩვენებლებზე და მიმდინარე რეფორმებზე ისაუბრეს.

საერთაშორისო სავალუტო ფონდის წარმომადგენელი საქართველოში სამუშაო ვიზიტით იმყოფება. შეხვედრა საქართველოს ეროვნული ბანკის ხელმძღვანელობასთანაც არის დაგეგმილი.