ამ წუთებში „ბავშვთა სამყაროში " მომხდარი ხანძრის შედეგად დაზარალებულები დამწვარ შენობასთან იკრიბებიან. მოვაჭრეები კარვებს შლიან და შიმშილობის დაწყებას გეგმავენ.

ათეულობით დაზარალებული მიყენებული ზარალის ოდენობაზე ჯერჯერობით ვერ საუბრობს. შინაგან საქმეთა სამინისტრომ მომხდარზე სისხლის სამართლის საქმე 187-ე მუხლით აღძრა, რაც სხვისი ნივთის დაზიანებას ან განადგურებას გულისხმობს.

ხანძარი შენობაში 30 იანვარს გაჩნდა. ე.წ. „ბავშვთა სამყაროს" შენობა და საბითუმო ბაზრობის ტერიტორია ხანძრის შედეგად თითქმის სრულად განადგურდა.