არქიმანდრიტი ბართლომე ფირცხალაშვილის თქმით, დეკანოზ გიორგი მამალაძის ჯანმრთელობის მდგომარეობა მას შემდეგ დამძიმდა, რაც ის რამდენიმე მღვდელმთავარმა მოინახულა. ის არ გამორიცხავს, რომ პროკურატურაზე ზეწოლა მიმდინარეობს.

„ხომ არ ხდება მასზე ზეწოლა სიმართლის დამალვის მიზნით? გაუგებარია სახელმწიფო მოხელეების და პრეზიდენტის ჩართულობა და აქტიურობა. მე აღვიქვამ პროკურატურაზე და საგამოძიებო უწყებაზე ზეწოლად ამ ყველაფერს. ამჟამად ვინმეს ხელის დაფარება და საქმის მიჩქმალვა უკიდურესად დაამძიმებს მომავალში ეკლესიის ცხოვრებას", - აცხადებს ფირცხალაშვილი.