ფრაქცია ,,ქართული ოცნების" თავმჯდომარის მამუკა მდინარაძის განცხადებით, ე.წ. ფარულ მოსმენებთან დაკავშირებით კანონპროექტის მოსმენა პარლამენტში დღეს განახლდება. მისივე თქმით, ოპოზიციას ყოველთვის ექნება შენიშვნები კანონებზე, თუმცა წარმოდგენილი პროექტი ყველაზე ოპტიმალური და დახვეწილია.

„მიმდინარე სესიაზე გრძელდება ე.წ მოსმენების კანონის განხილვა პირველი მოსმენით. ჩვენ მოვასწრებთ მეორე მოსმენით მის განხილვასაც. ბუნებრივია, ოპოზიციას ყოველთვის აქვს შენიშვნები და ეს მათი საქმეა. მაგრამ, არაერთხელ განგვიცხადებია, რომ ეს არის ოპტიმალური გამოსავალი და დახვეწილი კანონი, რაც კი შეიძლებოდა ამ სფეროში საქართველოს მიეღო . ის წარმატებით გაივლის ამ ეტაპებს და ჩვენ მივიღებთ ამ კანონს", -განაცხადა მამუკა მდინარაძემ .