საქართველოს განათლებისა და მეცნიერების მინისტრი "აუდიტორია 115"-ის წევრებს ექსტრემალური მოქმედებისგან თავშეკავებისკენ მოუწოდებს. ჯეჯელავა ორგანიზაციის წევრებს ურჩევს, უნივერსიტეტის სტუდენტებს სწავლაში ხელი არ შეუშალონ. მისივე განცხადებით, „აუდიტორია 115"-ის წევრების მიერ თსუ-ს მეექვსე კორპუსის პიკეტირების საკითხი უნივერსიტეტის ავტონომიურობიდან გამომდინარე თავად ადმინისტრაციის გადასაწყვეტია.

"მოგეხსენებათ, უნივერსიტეტი ავტონომიურია და შესაბამისად, ეს საკითხიც უნივერსიტეტის გადასაწყვეტია. კიდევ ერთხელ მოვუწოდებ სტუდენტებს, „აუდიტორია 115"-ის წევრებს, რომ ნუ შეუშლიან ხელს თავის თანატოლებს, მითუმეტეს ნუ აირჩევენ ექსტრემალური გზას ტელევიზიებთან მიმართებაში. ძალიან აღმაშფოთებელი იყო ტელევიზიის შენობაში შეჭრა, ბიზნესის ტერიტორიაზე შესვლა. ეს არის აბსოლუტურად დაუშვებელი. ჩვენ შევეცდებით მოვუწოდოთ ამ ხალხს, რომ ექსტრემალური მოქმედებისგან თავი შეიკავონ", - განაცხადა ალექსანდრე ჯეჯელავამ.