პრეზიდენტი საქართველოში უკრაინის ახლადდანიშნულ ელჩს შეხვდა. უკრაინელმა დიპლომატმა გიორგი მარგველაშვილს უკრაინის პრეზიდენტის, პეტრო პოროშენკოს პირადი მოკითხვა გადასცა.

შეხვედრისას ორ ქვეყანას შორის თანამშრომლობის სამომავლო გეგმები განიხილეს. მხარეებმა საქართველო-უკრაინის სტრატეგიული პარტნიორობისა და ერთობლივად განხორციელებული პროექტების განვითარების მნიშვნელობაზეც ისაუბრეს.

იგორ დოლგოვმა აღნიშნა, რომ უკრაინის ელჩის რანგში, ორი ქვეყნის ურთიერთობების კიდევ უფრო გაღრმავებისთვის ძალისხმევას არ დაიშურებს.