გარემოსა და ბუნებრივი რესურსების დაცვის მინისტრის მოადგილე, ეკატერინე გრიგალავა პოლიეთილენის პარკების და სავაჭრო ობიექტების წარმომადგენლებს შეხვდა. მინისტრის მოადგილემ მათ საქართველოში პოლიეთილენის პარკების წარმოებასთან, იმპორტთან და რეალიზაციასთან დაკავშირებით ნორმატიული აქტის პროექტი გააცნო.

პროექტის მიხედვით, პოლიეთილენის პარკები ეტაპობრივად აიკრძალება და მათ ევროკავშირის სტანდარტებთან შესაბამისი, ბიოდეგრადირებადი, ქაღალდის, მრავალჯერადი გამოყენების პარკები და ჩანთები ჩაანაცვლებს.