ქუთაისში, კლინიკა „uncial medi"-ში პაციენტი გარდაიცვალა. 18 წლის ნათია შეყილაძე კლინიკაში 3 დღის წინ, კომატოზურ მდგომარეობაში მიიყვანეს. პაციენტი ჭიათურიდან ქუთაისში უგონო მდგომარეობაში, რეანომობილით გადაიყვანეს. გოგონა გარდაცვალებამდე რეანიმაციაში ხელოვნურ სუნთქვაზე იმყოფებოდა.

პაციენტის ახლობლები ნათია შეყილაძის გარდაცვალებაში ექიმებს ადანაშაულებენ და საქმის გამოძიებას ითხოვენ.

კლინიკა „uncial medi"-ის მთავარი ექიმის, შოთა მარუაშვილის განცხადებით, მკურნალობისას შეცდომები არ დაუშვიათ და პაციენტი აპარატიდან მდგომარეობის გაუმჯობესების შემდეგ გამორთეს. რა გახდა სიკვდილის მიზეზი, მისთვის უცნობია. სამედიცინო პერსონალი ექსპერტიზის დასკვნას ელოდება.