ლიტვაში, ქალაქ შეშტოკაიში 60-მდე გერმანული ტანკი და საბრძოლო მანქანა ჩავიდა. გერმანიამ სამხედრო ტექნიკა ლიტვაში ნატოს მისიის ფარგლებში გააგზავნა.

ტექნიკით ნატო-ს ბატალიონი აღიჭურვება, რომელიც წელს გერმანელი, ნორვეგიელი, ჰოლანდიელი, ბელგიელი და ლუქსემბურგელი სამხედროებით დაკომპლექტდება.

ჩრდილოატლანტიკურმა ალიანსმა აღმოსავლეთ ევროპის ქვეყნების თავდაცვის გაძლიერება რუსეთის აგრესიის შესაკავებლად გადაწყვიტა.

სამხედრო ალიანსმა ივლისის სამიტზე ნატო-ს აღმოსავლეთ საზღვრებთან 4 ბატალიონის გადასროლის გადაწყვეტილება მიიღო. ბატალიონები პოლონეთში, ლიტვაში, ლატვიასა და ესტონეთში განთავსდებიან.