პატრიარქის დაცვის უფროსი სოსო ოხანაშვილი აცხადებს, რომ არის მცდელობა, ე.წ. ციანიდის საქმესთან მისი დაკავშირება მოხდეს.
მისი შეფასებით, რაც ხდება, გარედან მართული პროცესებია. "მიმდინარე პროცესები არის ეკლესიის მტრების მიერ კარგად ორგანიზებული მზაკვრობა", - განაცხადა სოსო ოხანაშვილმა.
ოხანაშვილის განცხადებით, პატრიარქს უთხრეს თითქოს მამა გიორგი მარტო არ მოქმედებდა. „არის მცდელობები, მოხდეს ამ საქმესთან ჩემი დაკავშირება,"
მისივე თქმით, ყველაფერს გააკეთებს იმისთვის, რომ საზოგადოებამ გაიგოს სიმართლე და ეკლესია მსგავსი ბრძოლებისგან გათავისუფლდეს. ოხანაშვილი არ გამორიცხავს, რომ პატრიარქის ტახტისთვის ბრძოლა მიმდინარეობს.