კონტრტერორისტული ცენტრის ყოფილი ხელმძღვანელი ზურაბ მაისურაძე, რომელიც რუსეთის მოთხოვნით ინტერპოლის მიერ იძებნებოდა, დღეს საქართველოში დაბრუნდა.

გავრცელებული ინფორმაციით, მაისურაძეს კოპიტნარის აეროპორტში "ევროპული საქართველოს" წევრები დახვდნენ.

მაისურაძე ვილნიუსში ჩასვლისას დააკავეს და რამდენიმე დღის შემდეგ გამოუშვეს. მას ჩრდილო კავკასიელი მებრძოლებისთვის იარაღის მიწოდებაში ედებოდა ბრალი. დაახლოებით ერთი თვის შემდეგ, სასამართლო ჩატარდა და დადგინდა, რომ არსებობდა პოლიტიკური დევნის ნიშნები და არშემდგარი დანაშაული.