საქართველოში 27 თებერვალი - 5 მარტის ამინდის პროგნოზს, გარემოს ეროვნული სააგენტო ავრცელებს. 27 თებერვალს დასავლეთ საქართველოში უნალექო ამინდი შენარჩუნდება. აღმოსავლეთ საქართველოს ზოგიერთ რაიონში, მათ შორის თბილისში შესაძლებელია მცირე წვიმა.

სააგენტოს ინფორმაციით, 28 თებერვალს ქვეყნის ტერიტორიის უმეტეს ნაწილზე უნალექო ამინდი იქნება. ჰაერის ტემპერატურა დასავლეთ საქართველოში +15, +20, აღმოსავლეთ საქართველოში +13, +18 გრადუსამდე მოიმატებს.

უნალექო ამინდი 3 მარტამდე შენარჩუნდება. 1 - 2 მარტს დასავლეთ საქართველოში +19, +24 გრადუსამდე დათბება.

3 - 4 მარტს ქვეყნის დასავლეთ ნაწილში გაწვიმდება და აგრილდება, იქროლებს დასავლეთის მიმართულების ქარი. 5 - 6 მარტს ისევ გამოიდარებს და დათბება.