საკონსტიტუციო კომისიის სამუშაო ჯგუფმა მეორე ეტაპის შეხვედრები დაიწყო. კომისიის წევრების ნაწილის განცხადებით, საკონსტიტუციო კომისიის შემადგენლობა სხვა თემებთან ერთად, პრეზიდენტის უფლებამოსილების შეკვეცის საკითხზეც მსჯელობს, რაც ერთობლიობაში რამდენიმე უფლებამოსილების შეკვეცას მოიაზრებს. ამჯერად კი საუბარი იყო უზენაესი სასამართლოს მოსამართლეობის კანდიდატურების პარლამენტისთვის წარდგენის უფლებამოსილებაზე, რაზეც შესაძლოა, მომავალში პრეზიდენტს პრემიერის თანხმობა დასჭირდეს.