შეწყალების კომისიის თავმჯდომარის განცხადებით, საქართველოს პრეზიდენტმა 157 მსჯავრდებული შეიწყალა, აქედან შეწყალების აქტი 8 ქალბატონს და 1 არასრულწლოვან მსჯავრდებულს შეეხო.

ზვიად ქორიძის თქმით, 93 მსჯავრდებული საპატიმროს დღესვე დატოვებს. მათ შორის 6 ქალი და ერთი არასრულწლოვანია.დანარჩენ 64-ს კი სასჯელი შეუმცირდა.

სულ შეწყალების კომისიამ, 2017 წლის 16 თებერვლიდან 21 თებერვლის ჩათვლით პერიოდში, 890 საქმე განიხილა.