ევროპარლამენტის და ევროკავშირის წარმომადგენლები უკრაინელებისთვის ვიზების გაუქმებაზე შეთანხმდნენ. ამის შესახებ, უცხოური გამოცემა „korrespondent.net"-ი იუწყება. ახლა შეთანხმება ევროპარლამენტის კომიტეტმა, ევროპარლამენტმა და შემდეგ ევროკავშირის საბჭომ უნდა დაამტკიცოს.

რეგულაციაში ცვლილებების ამოქმედების შემდეგ,უკრაინის მოქალაქეები ბიომეტრიული პასპორტებით ევროკავშირში უვიზოდ გადაადგილებას შეძლებენ. ცვლილება 180-დღიან პერიოდში 90 დღით, საქმიან, ტურისტულ და საოჯახო ვიზიტებს შეეხება. უვიზო რეჟიმი არ გულისხმობს სამუშაო ვიზას, ასევე არ ვრცელდება დიდ ბრიტანეთსა და ირლანდიაზე. გადაწყვეტილებას უკრაინის პრეზიდენტი, პეტრო პოროშენკო „Twitter"-ზე გამოეხმაურა და მას ფორმალური, მაგრამ უკრაინისთვის ძალიან მნიშვნელოვანი ნაბიჯი უწოდა.

„მივესალმები რადა-ევროკომისია-ევროპარლამენტის ტრიალოგის დასრულებას ევროკავშირთან უვიზო მიმოსვლაზე", - განაცხადა პოროშენკომ.

რადიო თავისუფლების ბრიუსელის კორესპონდენის, რიკარდ იოზვიაკის ინფორმაციით, უკრაინისთვის უვიზო მიმოსვლის საკითხს, ევროკავშირის მუდმივი წვერი ქვეყნების წარმომადგენლები 2 მარტს განიხილავენ. კორესპონდენტის ინფორმაციით, უკრაინელებს უვიზოდ გადაადგილება ზაფხულში,დაახლოებით 12 ივნისისთვის შეეძლებათ.