შინაგან საქმეთა სამინისტროს ობიექტების დაცვის დეპარტამენტის 50 თანამშრომელი სამსახურიდან გათავისუფლებას აპროტესტებს. მათ ნაცვლად, სანაპირო დაცვის ფოთის ბაზის ტერიტორიას, წვევამდელები დაიცავენ.

გათავისუფლებული თანამშრომლები აცხადებენ, რომ მათთვის სამსახურიდან გაშვების მიზეზი არავის განუმარტავს. მათივე თქმით, სამსახურის გარეშე 2008 წლის აგვისტოს ომის მონაწილეებიც დარჩნენ.

ყოფილი თანამშრომლების პროტესტს შინაგან საქმეთა სამინისტრო ეხმაურება. უწყების განცხადებთ, ისინი გაფრთხილების გარეშე არ გაუთავისუფლებიათ. შსს-ის განცხადებაში ნათქვამია, რომ ახალი კადრები კანონის სრული დაცვით არიან აყვანილები.