8 წლის სენაკელი ბიჭის გაუჩინარების ფაქტზე, დაუხმარებლობის მუხლით 30 წლამდე ასაკის მამაკაცი დააკავეს. მოზარდი სახლიდან 23 თებერვალს გავიდა და მისი კვალი მდინარე ტეხურთან ქრება, სადაც ის სავარაუდოდ, ფსიქიკური პრობლემების მქონე მეზობელთან ერთად იმყოფებოდა. მშობლები შვილის მკვლელობაში სწორედ მას ადანაშაულებენ და აცხადებენ, რომ ბიჭი ჯერ მოკლა, შემდეგ კი მდინარეში გადააგდო.