ტელეკომპანია "რუსთავი 2"-ის საქმე დასასრულს უახლოვდება. დღეს უზენაეს სასამართლოში მორიგი სასამართლო პროცესი გაიმართება და არ არის გამორიცხული, გადაწყვეტილება დღესვე გახდეს ცნობილი. მესამე ინსტანციაში გამარჯვების შემთხვევაში ქიბარ ხალვაში არხზე სადავეების აღებას შეძლებს. სწორედ ამიტომ "რუსთავი 2" დღეიდან საგანგებო რეჟიმზე გადადის და სასამართლო პროცესის პარალელურად უზენაესის ეზოში საპროტესტო აქციაც დაანონსეს.