უზენაესი სასამართლოს დიდმა პალატამ, „რუსთავი 2"-ის საქმის განხილვა სავარაუდოდ უკვე დაიწყო.

დიდი პალატის შემადგენლობაში შემავალი მოსამართლეები უზენაესი სასამართლოს შენობაში უკვე საათზე მეტია იმყოფებიან, თუმცა საქმის განხილვის დაწყების კონკრეტული საათი უცნობია, რადგან დიდი პალატა საქმეს განიხილავს ზეპირი მოსმენის გარეშე რაც იმას ნიშნავს, რომ განხილვას მხარეები არ დაესწრებიან.

პარალელურად სასამართლოს შენობასთან დილიდან მიმდინარეობს „რუსთავი 2"-ისა და თავისუფალი სიტყვის მხარდამჭერი აქცია, რომელსაც მოსახლეობასთან ერთად პოლიტიკური პარტიების წარმომადგენლები ესწრებიან.

დღესვე დიდმა პალატამ საქმეში მანაწილე მხარეების მიერ მოსამართლეთა აცილების შესახებ დაყენებული შუამდგომლობები უნდა განიხილოს.