ტელეკომპანიის წინ გუშინ ღამით მხარდამჭერთა გარკვეულმა ნაწილმა კარავი გაშალა და მთელი ღამე „რუსთავი 2"-ის ეზოში გაატარა.

მოქალაქეებმა ტელეკომპანიასთან შეკრება უზენაესი სასამართლოს იმ განაჩენის გამოქვეყნების შემდეგ დაიწყეს, რომლითაც 9 მოსამართლისგან შემდგარმა დიდმა პალატამ „რუსთავი 2" ქიბარ ხალვაშს მიაკუთვნა.

საზოგადოების ნაწილი აღნიშნულ გადაწყვეტილებას უკანონობად, სიტყვის თავისუფლების შეზღუდვად და ხელისუფლების მიერ „რუსთავი 2"-ის წართმევად" აფასებს.