ფონდი „ღია საზოგადოების" აღმასრულებელმა დირექტორმა ქეთევან ხუციშვილმა „რუსთავი 2"-ის გარშემო მომხდარი მოვლენების შესახებ ისაუბრა. მისი თქმით, მიმდინარე მოვლენები იძლევა იმის თქმის საშუალებას, რომ პროცესები მართულია.

"შემაშფოთებელია, რომ სასამართლოს ერთი დღე დასჭირდა გადაწყვეტილების მისაღებად. რუსთავი 2 ერთადერთი არ არის, რომელიც გარკვეული ზეწოლის და რთული პროცესების შუაგულში იმყოფება. მსგავსი პროცესები დაიწყო საზოგადოებრივ მაუწყებელშიც. მიმდინარე მოვლენები გვაძლევს საშუალებას იმის თქმის საშუალებას, რომ პროცესები მართულია. ავტოკრატიული რეჟიმისკენ მიდრეკილებას უკვე ვხედავ," - განაცხადა ხუციშვილმა.

მისივე თქმით, ფონდი ღია საზოგადოება - საქართველო მზად არის დააფინანსოს რუსთავი 2-ის იურისტების სტრასბურგში გამგზავრება.