საქართველოს პრეზიდენტმა გიორგი მარგველაშვილმა ბრიფინგზე „რუსთავი 2"-ის შესახებ განაცხადა და მოუწოდა საკონტუციო სასამართლოსა და სტრასბურგის „ადამიანის უფლებათა ეროვნულ სასამართლოს" არ გადადგან მყისიერი ნაბიჯები.

„მინდა ნათლად ვუთხრა საზოგადოებას, რომ „რუსთავი 2" არ არის უბრალოდ ბიზნესი, ისევე, როგორც ნებისმიერი მედია. ის წარმოადგენს ჩვენი საზოგადოებრივ-პოლიტიკური პროცესის მნიშვნელოვან შემადგენელ ნაწილს. ის არის კრიტიკული და განსხვავებული აზრის გამოხატვის შესაძლებლობა. კრიტიკული აზრის დაფიქსირება კი დემოკრატიული სახელმწიფოსა და საქართველოს ევროპული მომავლისთვის მნიშვნელოვანია,"-განაცხადა პრეზიდენტმა

პრეზიდენტის თქმით, 2 წლის განმავლობაში სხვადასხვა შეხვედრების დროს საერთაშორისო პარტნიორებთან „რუსთავი 2"-ის თემა წინ წამოწეული იყო და აფიქსირებდა საკუთარ პოზიციას. პრეზიდენტმა აღნიშნა, რომ საერთაშორისო თანამეგობრობა „რუსთავი 2"-ის საკითხს აღიქვამს პოლიტიკურ პროცესად, რომელიც გავლენას ახდენს საქართველოში მედიის თავისუფლებაზე.