სამაუწყებლო კომპანიის იურისტმა, თამთა მურადაშვილმა განაცხადა, რომ სტრასბურგის სასამართლოში სარჩელის უზრუნველყოფის ღონისძიების შესახებ მოთხოვნა გააგზავნეს.
„ეს არის სარჩელის უზრუნველყოფის ღონისძიების შესახებ მოთხოვნა, რაც გულისხმობს იმას, რომ ჩვენ ვთხოვთ ადამიანის უფლებათა და თავისუფლებათა ევროპულ სასამართლოს, რომ შეაჩეროს საქართველოს უზენაესი სასამართლოს 2 მარტის გადაწყვეტილების აღსრულება იმ მომენტამდე, სანამ არ იქნება არსებითად განხილული ჩვენი სარჩელი," - განაცხადა თამთა მურადაშვილმა.
მან აღნიშნა, რომ სასამართლოს მიერ მოთხოვნის დაკმაყოფილების შემთხვევაში, საქართველო არის ვალდებული, რომ შეაჩეროს უზენაესი სასამართლოს გადაწყვეტილების აღსრულების აღსრულება.
იურისტის განცხადებით, ღონისძიების შინაარსიდან გამომდინარე, სტრასბურგის სასამართლო უახლოეს დღეებში მიაწვდის პასუხს.